Халдварт өвчин судлал, микробиологийн тэнхим

Түүхэн товчоон: МУИС-д 1942 онд Мал эмнэлгийн факультет байгуулагдаж, хоёр жилийн дараа буюу 1944 онд тус тэнхимийн суурь тавигджээ. Тэнхимийн анхны эрхлэгчээр ЗХУ-ын /хуучин нэрээр/ халдвар судлаач Д.К.Бессонов ажиллаж, үндэсний багш нараас анх 1955 оноос төрийн шагналт Бадамын Яримпил тэнхимийн эрхлэгчээр ажиллажээ. 

Профессор Б.Яримпил тус тэнхмийн эрхлэгч болон ХААИС-ийн проректороор 40 орчим жил ажиллахдаа тэнхимийн төдийгүй   сургуулийн сургалт, эрдэм шинжилгээний ажилд үнэтэй хувь нэмрээ оруулсан юм.  Дэд эрдэмтэн Ц.Сугаррагчаа /1984-1986/, доцент Ш. Цэрэнпунцаг /1986-1988/, доцент Н.Эрдэнэцогт /1988-1990/, дэд эрдэмтэн Л.Лхагва /1990-1991/, дэд профессор Н.Дамбий /1991-1993/, профессор А.Ёндондорж /1994-1995/, профессор Ч.Тунгалаг /1995-2018/, Доктор Ц.Эрдэнэ-Очир зэрэг эрдэмтэн багш нар тэнхимийн эрхлэгчээр ажиллаж сургалт, эрдэм шинжилгээ, материаллаг баазыг бэхжүүлэхэд үр бүтээлтэй ажиллаж ирлээ.

  • 1944- МУИС, Микробиологийн тэнхим
  • 1955- МУИС, Халдварт, паразиттах өвчин судлал, микробиологийн тэнхим
  • 1958- ХААИС, Халдварт, паразиттах өвчин судлал, микробиологийн тэнхим
  • 2014- ХААИС, Халдварт өвчин судлал, нийтийн эрүүл мэндийн тэнхим 
  • 2017- ХААИС, Б.Яримпилийн нэрэмжит Халдварт өвчин судлал, микробиологийн тэнхим 
          Тэнхимийн зорилго: Эмгэг үүсгэгч бичил биетүүдийн молекул биологи, эзэн амьтны иммунологи, халдварт, паразит өвчний эпидемиологийн шинжлэх ухаанд тулгуурлаж, сургалт-судалгаанд суурилсан бакалавр, ахисан түвшний магистр, докторын сургалтаар цогц мэдлэг, ур чадваруудыг олгох

 

Тэнхимээс заадаг хичээлүүд

Бакалаврын хөтөлбөрт

  1. Микробиологи
  2. Иммунологи
  3. Вирусологи
  4. Ерөнхий халдварт өвчин
  5. Тусгай халдварт өвчин
  6. Ерөнхий паразит өвчин
  7. Тусгай паразит өвчин
  8. Мал эмнэлгийн эпидемиологи
  9. Халдварт, паразит өвчний нэгдсэн семинар
  10. Халдварт, паразиттах өвчин, мал эмнэлгийн зохион байгуулалтын үйлдвэрлэлийн дадлага
  11. Мал эмнэлгийн вакцин судлалын үндэс
  12. Мал, амьтны халдварт өвчний лабораторийн оношилгоо
  13. Дархлаа судлал

Магистр, докторын хөтөлбөрт

  1. Халдварт өвчний судлал, шинжлэх ухааны магистрын хөтөлбөр
  2. Халдварт өвчний судлал Докторын хөтөлбөр
  3. Паразит өвчин судлал мэргэжлийн магистрын хөтөлбөр
  4. Паразит судлал Докторын хөтөлбөр

 Ахисан түвшинд ордог хичээлүүд

  1. Микробиологи
  2. Иммунологи
  3. Паразит өвчин судлал
  4. Эпидемиологи
  5. Вакцин судлал
  6. Халдварт өвчний оношилгооны дэвшилтэт аргууд
  7. Шинээр болон дахин сэргэж буй халдварт өвчин
  8. Биоаюулгүй байдал ба биохамгаалал

Судалгааны чиглэл